هولاء اللاعبين ليس لدينا بديل لهم اذا كانوا في قمه مستواهم

اعضاء مكع اريد اخذ رايكم بموضوع على هولاء اللاعبين الاربعة اذا كانوا في مستواهم (يونس محمود ,نشات اكرم,هوار الملا محمد,قصي منير) قبل لا اسمع اجوبتكم وارائكم اني قصدي كل لاعب مركزه بالتخصص يعني يونس محمود مهاجم قناص ويسجل من انصاف الفرص سواء بالقدمين او بالراس اخواني يونس مو بس مهاجم بالأسم يونس تحركاته تربك اي دفاع ويفتح ثغرات

نشات اكرم ماكو لاعب يكدر يشغل مركز صانع العاب مثل نشات اخوان هسه اي منتخب بالعالم او اي نادي اكو لاعب يسموه (key player ) يعني مثلا لامبارد بشيلسي وجيرارد بلفيربول وكاكا بميلان ..... هذا المركز مهم جدا ان يكون لاعب يجيده واذا غاب هذا المركز الفريق كله يتاثر

هوار الملا الجناح الأيسر الطائر مااعتقد اكو لاعب يكدر يكون البديل الناجح لاعب سريع وصانع لعب من الجناح وهداف

قصي منير ماشفت لاعب ارتكاز ويقطع كرات مثله

اعيد واكرر اذا كانو في مستواهم وهذة مشكله لان اذا ماكو بديل يأدي مثل هولاء اللاعبين يعني لحد ينتظر نتائج ومستوى فني

اريد اسمع ارائكم واجوبتكم